°Ç¸ç³Ô¹Ï

Skip to main content

Budd-dal Plant os bydd plentyn neu riant yn marw

Printable version

1. Os yw plentyn yn marw

Fel arfer, byddwch yn cael Budd-dal Plant am 8 wythnos ar ôl i’r plentyn farw. Os byddai’r plentyn wedi cael ei ben-blwydd yn 20 cyn diwedd yr 8 wythnos, byddai’r Budd-dal Plant yn dod i ben ar y dydd Llun canlynol.

Mae’r canllaw hwn hefyd ar gael yn Saesneg.

Os yw babi newydd-anedig yn marw

Mae gennych hawl i hyd at 8 wythnos o Fudd-dal Plant os ydych yn hawlio o fewn 3 mis i’r farwolaeth.

Os bu farw’r plentyn cyn diwedd yr wythnos y cafodd ei eni, mae’r cyfnod o 8 wythnos yn dechrau ar y dydd Llun yn dilyn y farwolaeth.

Os ydych eisoes wedi hawlio

Bydd angen i chi roi gwybod i’r Swyddfa Budd Dal Plant cyn gynted â phosibl os bydd plentyn rydych yn cael Budd-dal Plant ar ei gyfer yn marw.

Os nad ydych wedi hawlio eto

Os bu farw’r plentyn cyn i chi hawlio Budd-dal Plant, gallwch anfon ffurflen hawlio atom o hyd (oni bai bod y plentyn yn farw-anedig). Ni allwch hawlio ar-lein.

Sut i hawlio

  1. Gwnewch hawliad am Fudd-dal Plant drwy’r post

  2. Dylech gynnwys nodyn â dyddiad marwolaeth y plentyn.

  3. Rhowch eich manylion cyswllt a’ch rhif Yswiriant Gwladol ar y nodyn.

  4. Anfonwch rif cofrestru genedigaeth y plentyn (a ddangosir ar dystysgrif geni’r plentyn) neu dystysgrif fabwysiadu’r plentyn gyda’ch ffurflen hawlio (nid oes rhaid i chi anfon ei dystysgrif marwolaeth).

Os nad oes gennych dystysgrif geni neu fabwysiadu’r plentyn, gallwch archebu un newydd (yn agor tudalen Saesneg) ac anfon rhif cofrestru’r enedigaeth ²Ô±ð³Ü’r dystysgrif mabwysiadu yn ddiweddarach.

Gellir ôl-ddyddio Budd-dal Plant am hyd at 3 mis. Hawliwch cyn gynted â phosibl i gael yr hyn y mae gennych hawl iddo.

Os gwnaethoch optio allan o gael Budd-dal Plant

Mae dal angen i chi roi gwybod i’r Swyddfa Budd-dal Plant cyn gynted â phosibl os bydd plentyn sy’n gymwys i gael Budd-dal Plant yn marw. Mae hyn yn berthnasol hyd yn oed os ydych wedi optio allan am unrhyw reswm, fel y Tâl Treth Budd-dal Plant Incwm Uchel.

Ni fydd yn rhaid i chi dalu’r Tâl Treth Budd-dal Plant Incwm Uchel ar unrhyw Fudd-dal Plant a gewch ar ôl i’r plentyn farw.

2. Os bydd un rhiant yn marw, ²Ô±ð³Ü’r ddau ohonynt

Mae’n bosibl y gallwch gael Budd-dal Plant os ydych yn dod yn brif ofalwr plentyn neu blant i rywun sydd wedi marw.

Rhoi gwybod am y farwolaeth

Mae angen i chi roi gwybod i’r Swyddfa Budd-dal Plant cyn gynted â phosibl os yw’r rhiant sy’n hawlio Budd-dal Plant yn marw.

Does dim rhaid i chi roi gwybod i’r Swyddfa Budd-dal Plant os ydych eisoes wedi defnyddio’r gwasanaeth Dywedwch Wrthym Unwaith.

Unwaith y byddwch yn rhoi gwybod i’r Swyddfa Budd-dal Plant am y farwolaeth, bydd yn gwneud y canlynol:

  • canslo unrhyw daliadau Budd-dal Plant a Lwfans Gwarcheidwad

  • ysgrifennu at bwy bynnag sy’n gofalu am y plentyn cyn pen 20 diwrnod, i gadarnhau bod hyn wedi’i wneud

Gwneud hawliad

Ni fydd Budd-dal Plant yn cael ei drosglwyddo’n awtomatig i chi. Bydd angen i chi wneud hawliad newydd ar gyfer Budd-dal Plant os nad chi yw’r person sydd wedi’i enwi fel yr hawliwr ar y ffurflen hawlio wreiddiol.

Unwaith y rhoddir gwybod am y farwolaeth, bydd Budd-dal Plant yn stopio o’r dydd Llun ar ôl y farwolaeth. Dim ond hyd at 3 mis y gellir ôl-ddyddio Budd-dal Plant.

Cyfrifon banc

Gallwch gadarnhau’r cyfrif banc rydych am i’r arian gael ei dalu iddo ar y ffurflen hawlio.

Os mai chi yw’r person sy’n cael Budd-dal Plant ond cafodd yr arian ei dalu i gyfrif yr ymadawedig, dylech ddewis cyfrif gwahanol.

Cymorth ychwanegol

Mae’n bosibl y byddwch yn gymwys i gael naill ai’r Lwfans Gwarcheidwad ²Ô±ð³Ü’r Lwfans Rhiant Gweddw ar ben y Budd-dal Plant.

Mae’n bosibl y bydd yn rhaid i chi neu’ch partner dalu’r Tâl Treth Budd-dal Plant Incwm Uchel ar unrhyw Fudd-dal Plant y byddwch yn ei gael.

3. Rhoi gwybod am farwolaeth i’r Swyddfa Budd-dal Plant

Ffoniwch neu ysgrifennwch i roi gwybod am farwolaeth plentyn neu riant a oedd yn hawlio Budd-dal Plant.

Bydd angen y canlynol arnoch:

  • eich enw llawn
  • eich rhif Yswiriant Gwladol
  • enw llawn, dyddiad geni a dyddiad marwolaeth y person a fu farw

Wrth roi gwybod am farwolaeth rhiant, bydd yn rhaid i chi gadarnhau’r canlynol hefyd:

  • ei rif Yswiriant Gwladol
  • lle mae’r plentyn (²Ô±ð³Ü’r plant) yn byw nawr
  • pwy sy’n gofalu am y plentyn

Dros y ffôn

Ffoniwch Wasanaeth Cwsmeriaid Cymraeg CThEF:

Ffôn: 0300 200 1900
Dydd Llun i ddydd Gwener, 8am i 5pm (ac eithrio gwyliau banc)
Dysgwch am gostau galwadau

Mae’r llinell gymorth hon yn ymwneud â rhoi gwybod am farwolaeth yn unig.

Drwy’r post

Ysgrifennu at y Swyddfa Budd-dal Plant:

Swyddfa Budd-dal Plant
Gwasanaeth Cwsmeriaid Cymraeg CThEF
HMRC
BX9 1ST
Y Deyrnas Unedig

Peidiwch â chynnwys unrhyw ddogfennau gwreiddiol fel tystysgrifau geni neu dystysgrifau marwolaeth yn eich llythyr.

Ymholiadau Budd-dal Plant

Cysylltwch â’r Swyddfa Budd-dal Plant os oes gennych gwestiynau am gymhwystra, hawlio a newid eich manylion.