°Ç¸ç³Ô¹Ï

Gwnewch yn siŵr eich bod yn defnyddio’r gwasanaeth cywir

Mae prosesau gwahanol ar gyfer:

• gwneud cwyn am gwmni
• rhoi gwybod am gwmni sy’n defnyddio eich manylion personol heb ei caniatâd
• apelio yn erbyn cosb am ffeilio eich cyfrifon yn hwyr
• cysylltu â ChTEF os yw eich cwyn yn ymwneud â threthi
• cysylltu â Thŷ’r Cwmnïau os nad oes angen i chi wneud cwyn

Beth allwch gwyno amdano

Gallwch ond ddefnyddio’r broses hon i gwyno am y lefel o wasanaeth a ddarparwyd gennym. Er enghraifft:

• yr amser a gymerwyd gennym i gwblhau cais
• gwasanaeth cwsmeriaid gwael neu gyfathrebu amhroffesiynol
• cyngor neu ganllawiau anghywir
• hygyrchedd
• gwybodaeth anghywir a gyhoeddwyd gennym trwy gamgymeriad

Sut i wneud cwyn

Anfonwch e-bost atom ni er mwyn gwneud cwyn i Dŷ’r Cwmnïau.

Bydd angen i chi nodi’r canlynol:

• eich enw llawn
• eich cyfeiriad e-bost dewisol, fel y gallwn gysylltu â chi
• manylion eich cwyn, gan roi digon o fanylion fel y gallwn ymchwilio (er enghraifft, beth ddigwyddodd a phryd, a beth fyddai’n datrys y broblem)

Efallai y byddai’n ddefnyddiol cynnwys y canlynol:

• rhif ffôn, os byddai’n well gennych ein bod yn eich ffonio
• enw a rhif eich cwmni, os yw’n berthnasol
• unrhyw dystiolaeth i gefnogi eich cwyn

Os oes angen cymorth ychwanegol gyda’ch cwyn

Gallwch gysylltu â Thŷ’r Cwmniau a dweud wrthym os oes angen cymorth ychwanegol arnoch gyda’ch cwyn oherwydd cyflwr iechyd neu’ch amgylchiadau personol.

³Ò·É±ð±ô±ð°ùÌýcymorth hygyrchedd ar gyfer defnyddwyr Tŷ’r Cwmniau.

Beth sy’n digwydd pan fyddwch yn gwneud cwyn i Dŷ’r Cwmnïau

Bydd Tŷ’r Cwmnïau yn adolygu eich cwyn. Byddwn yn ymchwilio i’r hyn a ddigwyddodd a’r hyn a ddylai fod wedi digwydd. Gelwir hyn yn adolygiad ‘haen gyntaf’.

Fel arfer, byddwn yn cysylltu â chi o fewn 28 diwrnod ar ôl i’ch cwyn ddod i law. Byddwn yn rhoi gwybod beth yw canlyniad yr adolygiad haen gyntaf a beth yw’r cam nesaf.

Os na allwn roi ymateb llawn o fewn yr amser hwn, byddwn yn rhoi gwybod beth rydym yn ei wneud a phryd y gallwch ddisgwyl ateb llawn. Gallai hyn ddigwydd os oes angen ymchwiliad mwy manwl I’ch cwyn. Byddwn yn rhoi enw cyswllt a rhif cyfeirnod cwyn.

Ni fyddwn yn eich trin yn wahanol i unrhyw un arall oherwydd eich bod wedi gwneud cwyn. Byddwn yn trin eich cwyn yn deg, yn gyfrinachol ac yn ymchwilio i’r materion yn drylwyr.

Os ydych yn anghytuno â chanlyniad yr adolygiad haen gyntaf

Gallwch ofyn am i’ch cwyn gael ei hadolygu am yr eildro. Gelwir hyn yn adolygiad ‘ail haen’.

Bydd y pennaeth cwynion yn adolygu’ch cwyn, yn edrych ar sut y cafodd eich cwyn ei thrin yn yr adolygiad haen gyntaf ac yn rhoi gwybod i chi am y canlyniad.

Mae penderfyniad yr adolygiad ail haen yn derfynol. Ni fyddwch yn gallu gofyn i Dŷ’r Cwmnïau am adolygiad arall.

Os ydych yn anghytuno â chanlyniad yr adolygiad ail haen

Gallwch ofyn i’r beirniaid annibynnol adolygu eich cwyn. Byddwn yn dweud wrthych sut i wneud hyn.

Mae’r gwasanaeth hwn yn rhad ac am ddim ac yn annibynnol o Dŷ’r Cwmnïau.

Dim ond os ydych wedi cael adolygiad haen gyntaf ac ail haen gan Dŷ’r Cwmnïau y gallwch ofyn i’r beirniaid annibynnol edrych ar eich cwyn.

Mae’r beirniaid dim ond yn ymchwilio i gwynion am y canlynol:

• ein lefel o wasanaeth
• camgymeriadau a wnaethom
• ein proses trin cwynion

Mae’n rhaid bod eich cwyn wedi’i gyflwyno yn ystod y 6 mis diwethaf.

Os ydych yn anghytuno â’r beirniaid annibynnol 

Gallwch gyfeirio’ch cwyn at yr .