°Ç¸ç³Ô¹Ï

Newidiadau i’r broses gofrestru

Mae CThEF wedi cyflwyno gwasanaeth ar-lein er mwyn cofrestru ar gyfer cyfrif gwasanaethau asiant. Mae hyn yn cymryd lle’r ffordd flaenorol o gofrestru.

Mae’n bosibl bod gofyniad cyfreithiol arnoch i gofrestru â CThEF. Golyga hyn bod angen cyfrif gwasanaethau asiant arnoch os nad oes gennych un eisoes.

Rydym yn cyflwyno’r gofyniad i gofrestru mewn camau — mae’r adeg sydd angen i chi gofrestru yn dibynnu ar eich amgylchiadau.

Pwy sydd angen cofrestru

Os byddwch yn rhyngweithio â CThEF ynghylch materion treth rhywun arall ac yn cael eich talu am wneud hynny, rydym yn eich ystyried yn ‘ymgynghorydd treth’. Golyga hyn y bydd angen i chi gofrestru ar gyfer cyfrif gwasanaethau asiant.

Mae rhyngweithiadau â CThEF yn cynnwys y canlynol:

•  ffôn, post neu e-bost 

• anfon negeseuon ar wefan °Ç¸ç³Ô¹Ï neu ap CThEF

• gwneud taliadau

• anfon ffurflenni treth, hawliadau neu ddogfennau eraill

Mae angen i chi gofrestru hyd yn oed os oes un o’r canlynol yn wir: 

• nid ydych yn gweld eich hun fel ymgynghorydd treth, nag yn disgrifio eich gwaith fel cyngor treth
• rydych yn gweithio fel unig fasnachwr cofrestredig
• nid helpu pobl â’u materion treth yw prif swyddogaeth eich busnes
• rydych ond yn rhyngweithio â CThEF ar ran un cleient

Ymgynghorwyr treth tramor

Bydd hefyd angen i chi gofrestru os yw’ch busnes wedi’i leoli y tu allan i’r DU. Defnyddiwch y llwybr cofrestru sydd eisoes mewn lle i wneud caisyn ystod eich cyfnod o gofrestru.

Gwiriwch a oes angen i chi gofrestru

Defnyddiwch yr offeryn ar-lein hwn i wirio a oes angen i chi gofrestru gyda CThEF.

I ddefnyddio’r offeryn hwn, bydd rhaid i chi wybod os yw’ch busnes:

• yn darparu gwasanaethau treth taledig
• yn cysylltu â CThEF ar ran cleientiaid
• gyda chyfrif gwasanaethau asiant eisoes
• wedi cofrestru ar gyfer cod asiant ar gyfer Treth Gorfforaeth neu Hunanasesiad yn flaenorol

Pwy sydd ddim yn gorfod cofrestru

Nid oes angen i chi gofrestru ar gyfer cyfrif gwasanaethau asiant os ydych ond yn rhyngweithio â CThEF ar ran rhywun arall:

• fel cyflogwr neu fel aelod o dîm treth mewnol (er enghraifft, rheoli’r gyflogres i’ch staff chi eich hun)
• ynghylch materion treth eich grŵp cwmni chi eich hun
• er mwyn rhoi cyngor treth am ddim (er enghraifft, drwy elusen neu helpu ffrindiau neu aelodau o’ch teulu)
• gan fod y gyfraith yn gwneud hynny’n orfodol, hyd yn oed os ydych yn cael eich talu (er enghraifft, ymarferwyr ansolfedd neu rai cwmniau buddsoddi neu bensiwn)
• er mwyn ymateb i gais am wybodaeth gan CThEF
• er mwyn datblygu neu ddarparu meddalwedd gyfrifyddu neu feddalwedd treth (gan gynnwys meddalwedd gyflogres)

Yn ogystal, nid oes rhaid i chi gofrestru os ydych ond yn rhyngweithio â CThEF ar ran rhywun arall:

• ynghylch TAW mewnforio neu TAW tollau
• fel cynrychiolydd TAW (wedi’i benodi i ddelio â materion TAW y busnes)
• fel cynrychiolydd treth yng Ngogledd Iwerddon (wedi’i benodi gan fusnes y tu allan i’r DU i reoli ymrwymiadau treth sy’n berthnasol i Ogledd Iwerddon yn benodol)
• fel cynrychiolydd yn y DU ar gyfer Treth Anweddu (a benodir gan fusnes tramor i ddelio â materion treth penodol yn y DU)
• fel cynrychiolydd i’r Doll Fepio yn y DU (wedi’i benodi gan fusnes dramor i ddelio â materion treth sy’n berthnasol i’r DU yn benodol)
• fel cyfryngwr tollau i’r cynllun Gwasanaeth Un Cam Mewnforio
• i gynrychioli cleientiaid yn ystod apeliadau i lys neu dribiwnlys
• ynghylch ardrethi busnes, treth gyngor, neu brisio eiddo

Pryd i gofrestru

Bydd angen i chi gofrestru ar gyfer cyfrif gwasanaethau asiant o 18 Mai 2026 ymlaen, oni bai bod un o’r eithriadau canlynol yn berthnasol: 

• mae gennych gyfrif Treth Gorfforaeth neu Hunanasesiad eisoes, felly’r cyfnod sydd angen i chi gofrestru yw o 18 Awst 2026 ymlaen
• rydych ond yn darparu gwasanaethau cyflogres trydydd parti ar ran cleientiaid, ac nid ydych yn rhyngweithio â CThEF mewn unrhyw ffordd arall, felly’r cyfnod sydd angen i chi gofrestru yw o 18 Tachwedd 2026 ymlaen
• rydych yn sefydliad sy’n cynnig gwasanaethau ariannol, felly’r cyfnod sydd angen i chi gofrestru yw o 31 Rhagfyr 2026 ymlaen

Gallwch ddefnyddio’r gwasanaeth ar-lein i gofrestru o 18 Mai 2026 ymlaen, hyd yn oed os nad oes rhaid i chi wneud hynny dan yn hwyrach.

Y cyfnod cofrestru

Bydd gennych 3 mis o ddyddiad dechrau eich cyfnod cofrestru i wneud cais am gyfrif gwasanaethau asiant. Gallwch barhau i ryngweithio â CThEF ar ran eich cleientiaid:

• yn ystod y 3 mis hyn
• wrth i ni ystyried eich cofrestriad

Cyn i chi gofrestru

Cyn i chi gofrestru â CThEF, dylech wirio a ydych chi’n bodloni amodau CThEF i gofrestru fel ymgynghorydd treth (yn agor tudalen Saesneg).

Sut i gofrestru

Gallwch nawr wneud cais i gael cyfrif gwasanaethau asianter (yn agor tudalen Saesneg) mwyn rhyngweithio â CThEF fel ymgynghorydd treth.

Yr hyn fydd yn digwydd od na fyddwch yn cofrestru

Os oes angen i chi gofrestru i gael cyfrif gwasanaethau asiant, ond nad ydych yn gwneud hynny, ni fydd posibl i chi rhyngweithio â CThEF ar ran eich cleientiaid.

Os byddwch yn parhau i geisio rhyngweithio â CThEF, mae’n bosibl y byddwch yn agored i sancsiynau (yn agor tudalen Saesneg).