°Ç¸ç³Ô¹Ï

Mae’n rhaid i chi gyflwyno’ch datganiad Toll Peiriannau Hapchwarae (MGD) a gwneud taliad cyn pen 30 diwrnod ar ôl diwedd eich cyfnod cyfrifyddu. Cyfnod o 3 mis yw’r cyfnod cyfrifyddu, oni bai bod gennych gytundeb â Chyllid a Thollau EF (CThEF) i ddefnyddio cyfnod cyfrifyddu gwahanol.

Os bydd y dyddiad cau ar benwythnos neu ar ŵyl banc, gwnewch yn siŵr eich bod yn cyflwyno’ch datganiad a bod eich taliad yn dod i law CThEF erbyn y diwrnod gwaith olaf cyn hynny, oni bai’ch bod yn gwneud trosglwyddiad banc ar-lein neu dros y ffôn (Taliadau Cyflymach) neu dalu drwy gerdyn debyd neu gerdyn credyd corfforaethol ar-lein.

Dulliau o dalu

Gwnewch yn siŵr eich bod yn talu CThEF erbyn y dyddiad cau. Mae’n bosibl y bydd yn rhaid i chi dalu cosb a llog (yn agor tudalen Saesneg) os ydych yn talu’n hwyr.

Mae’r amser y mae angen i chi ei ganiatáu yn dibynnu ar eich dull o dalu.

Ar yr un diwrnod neu’r diwrnod nesaf

• trosglwyddiad banc ar-lein neu dros y ffôn gan ddefnyddio Taliadau Cyflymach neu CHAPS
• drwy gerdyn debyd neu gerdyn credyd corfforaethol ar-lein
• cymeradwyo taliad gan ddefnyddio’ch cyfrif bancio ar-lein
• yn eich banc neu’ch cymdeithas adeiladu

3 diwrnod gwaith

• trosglwyddiad banc ar-lein neu dros y ffôn drwy ddefnyddio Bacs
• Debyd Uniongyrchol – os ydych yn gwneud taliad unigol ac rydych wedi trefnu Debyd Uniongyrchol gyda CThEF yn flaenorol

5 diwrnod gwaith

• Debyd Uniongyrchol – os ydych yn gwneud taliad unigol ac nid ydych wedi trefnu Debyd Uniongyrchol gyda CThEF yn flaenorol

10 diwrnod gwaith cyn i chi gyflwyno’ch datganiad cyntaf

• Debyd Uniongyrchol – os ydych yn trefnu taliad awtomatig (a elwir yn ‘cynllun taliadau newidiol’)

Cosbau am ddatganiadau hwyr

Codir cosb arnoch os byddwch yn methu’r dyddiad cau ar gyfer cyflwyno datganiadau.

Os ydych yn anghytuno â chosb

Os ydym wedi codi cosb arnoch ac rydych o’r farn ei bod yn anghywir, gallwch apelio ar CThEF.

Dim ond os ydych wedi cofrestru ar gyfer Toll Peiriannau Hapchwarae (MGD) ar-lein y gallwch dalu drwy Ddebyd Uniongyrchol.

Defnyddiwch eich i drefnu Debyd Uniongyrchol.

Gallwch drefnu:

• taliad unigol bob tro rydych yn cyflwyno’ch datganiad
• taliad awtomatig o’r doll a ddangosir ar eich datganiad (a elwir yn ‘cynllun taliadau newidiol’)

Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch â’ch banc ei fod wedi’i sefydlu o hyd.

Taliad unigol

Gallwch wneud un taliad unigol drwy Ddebyd Uniongyrchol ar-lein.

Mae’n cymryd 5 diwrnod gwaith i brosesu taliad Debyd Uniongyrchol pan fyddwch yn ei drefnu am y tro cyntaf. Dylai gymryd 3 diwrnod gwaith y tro nesaf os ydych yn defnyddio’r un manylion banc.

Cynllun taliadau newidiol

Dim ond ar-lein y gallwch drefnu taliadau Debyd Uniongyrchol awtomatig rheolaidd. Dewiswch ‘cynllun taliadau newidiol’ pan fyddwch yn trefnu’ch Debyd Uniongyrchol.

Mae’n cymryd o leiaf 10 diwrnod gwaith i brosesu taliad pan fyddwch yn ei drefnu am y tro cyntaf. Sicrhewch y bydd eich taliad yn cyrraedd CThEF cyn y dyddiad cau.

Ar ôl hynny, bydd eich taliad yn cael ei gymryd yn awtomatig bob tro y bydd yn ddyledus.

Bydd angen i chi ganslo’ch Debyd Uniongyrchol os ydych am newid i ddull gwahanol o dalu.

Gallwch dalu’ch Toll Peiriannau Hapchwarae yn uniongyrchol drwy’ch cyfrif banc ar-lein neu’ch cyfrif bancio drwy’ch ffôn symudol.

Pan fyddwch yn barod i dalu, . Dewiswch yr opsiwn ‘talu drwy gyfrif banc’. Wedyn, gofynnir i chi fewngofnodi i’ch cyfrif banc ar-lein neu’ch cyfrif bancio drwy’ch ffôn symudol er mwyn cymeradwyo’ch taliad Toll Peiriannau Hapchwarae.

Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.

Bydd angen i chi fod â’ch manylion bancio ar-lein wrth law er mwyn talu drwy’r dull hwn.

Gallwch wneud trosglwyddiad banc gan ddefnyddio Taliadau Cyflymach, CHAPS neu Bacs:

• drwy’ch cyfrif bancio ar-lein
• drwy ffonio’ch banc

Gwnewch eich taliad i gyfrif Cyllid a Thollau EF (CThEF) gan ddefnyddio’r manylion canlynol:

• cod didoli - 08 32 10
• rhif y cyfrif - 12001020
• enw’r cyfrif - HMRC Shipley

Defnyddiwch eich cyfeirnod

Bydd angen i chi ddefnyddio’ch cyfeirnod talu Toll Peiriannau Hapchwarae (MGD) wrth wneud taliad. Mae’n 14 o gymeriadau ac yn dechrau gydag ‘X’.

Bydd hwn i’w weld ar:

• eich
• y Dystysgrif Cofrestru MGD a anfonwyd atoch gan CThEF

Faint o amser y mae’n ei gymryd

Fel arfer, bydd taliadau a wneir gan ddefnyddio Taliadau Cyflymach (bancio ar-lein neu dros y ffôn) yn cyrraedd CThEF ar yr un diwrnod neu’r diwrnod nesaf, gan gynnwys ar benwythnosau a gwyliau banc.

Fel arfer, bydd taliadau CHAPS yn cyrraedd CThEF ar yr un diwrnod gwaith os byddwch yn talu o fewn amserau prosesu’ch banc.

Fel arfer, bydd taliadau Bacs yn cymryd 3 diwrnod gwaith.

Taliadau tramor

Defnyddiwch y manylion hyn er mwyn talu o gyfrif tramor:

• rhif y cyfrif (IBAN) - GB03BARC20114783977692
• Cod Adnabod y Busnes (BIC) - BARCGB22
• enw’r cyfrif - HMRC Shipley

Cyfeiriad bancio CThEF yw:

Gallwch .

Bydd ffi yn cael ei chodi os talwch â cherdyn credyd corfforaethol neu gerdyn debyd corfforaethol. Nid yw’r ffi yn ad-daladwy.

Ni fydd ffi yn cael ei chodi os talwch â cherdyn debyd personol.

Bydd angen i chi ddefnyddio’ch cyfeirnod talu Toll Peiriannau Hapchwarae (MGD) wrth wneud taliad. Mae’n 14 o gymeriadau ac yn dechrau gydag ‘X’.

Bydd hwn i’w weld ar:

• eich
• y Dystysgrif Cofrestru MGD anfonodd CThEF atoch

Bydd CThEF yn derbyn eich taliad ar y dyddiad y gwnewch y taliad (hyd yn oed ar wyliau banc a phenwythnosau) – nid y dyddiad y mae’n cyrraedd cyfrif CThEF.

Os na allwch dalu eich bil MGD yn llawn â cherdyn, dylech ddefnyddio dull talu arall megis trosglwyddiad o’r banc.

Gallwch dim ond talu Toll Peiriannau Hapchwarae (MGD) yn eich banc neu gymdeithas adeiladu os ydych yn cyflwyno datganiad MGD ar bapur.

Defnyddiwch y slip talu y mae Cyllid a Thollau EF (CThEF) wedi’i anfon atoch.

Gwnewch eich siec yn daladwy i ‘Cyllid a Thollau EF yn unig’.

Ysgrifennwch eich cyfeirnod talu Toll Peiriannau Hapchwarae (MGD) ar gefn y siec. Mae’n 14 o gymeriadau ac yn dechrau gydag ‘X’. Bydd y cyfeirnod talu i’w weld ar y slip talu.

Bydd CThEF yn derbyn eich taliad ar y dyddiad y gwnewch y taliad (os ydych yn ei dalu o ddydd Llun i ddydd Gwener) ac nid ar y dyddiad y mae’n cyrraedd cyfrif CThEF.

Gallwch anfon siec i Gyllid a Thollau EF (CThEF) drwy’r post.

Nid oes angen i chi gynnwys enw stryd, enw dinas na blwch Swyddfa’r Post gyda’r cyfeiriad hwn.

Yr hyn i’w gynnwys

Gwnewch eich siec yn daladwy i ‘Cyllid a Thollau EF yn unig’.

Ysgrifennwch eich cyfeirnod talu Toll Peiriannau Hapchwarae (MGD) ar gefn y siec. Mae’n 14 o gymeriadau ac yn dechrau gydag ‘X’.

Bydd eich cyfeirnod talu Toll Peiriannau Hapchwarae (MGD) i’w weld ar naill ai:

• y slip talu a anfonwyd atoch gan CThEF, os ydych yn cyflwyno datganiad papur
• eich cyfrif ar-lein CThEF, os ydych yn cyflwyno’ch datganiad ar-lein

Os ydych yn cyflwyno datganiad papur, anfonwch eich slip talu ynghyd â’ch siec.

Os ydych yn cyflwyno ar-lein, anfonwch lythyr sy’n cynnwys y canlynol:

• eich enw, cyfeiriad a rhif ffôn
• eich cyfeirnod talu Toll Peiriannau Hapchwarae (MGD)
• y swm yr ydych yn ei dalu

Peidiwch â phlygu na rhoi staplen yn eich siec.

Dylech fwrw golwg dros eich i weld a yw’ch taliad wedi dod i law – dylai ddiweddaru o fewn 6 diwrnod gwaith.

Mae’n rhaid i chi gyflwyno’ch datganiad hyd yn oed os ydych yn cyfrifo nad oes arnoch Doll Peiriannau Hapchwarae (MGD). Mae’n bosibl y bydd yn rhaid i chi dalu cosb os na wnewch hynny.

Os oes arnoch swm negyddol (hynny yw, rydych wedi talu mwy allan mewn enillion na’r hyn rydych wedi ei gael mewn costau chwarae), caiff ei ddwyn ymlaen i’ch datganiad nesaf a’i didynnu o’r swm MGD sy’n ddyledus.