°Ç¸ç³Ô¹Ï

Efallai y gallwch apelio i’r Uwch Dribiwnlys (Siambr Apeliadau Gweinyddol) os credwch bod camgymeriad cyfreithiol wedi’i wneud gyda phenderfyniad a wnaed yn eich erbyn gan rai tribiwnlysoedd is a sefydliadau.

Efallai y gallwch apelio os oedd eich achos am:

• nawdd cymdeithasol neu gynnal plant
• pensiynau rhyfel ac iawndal y lluoedd arfog
• iechyd meddwl
• anghenion addysgol arbennig neu anableddau
• anghydfod a wrandawyd gan y Siambr Rheoleiddio Cyffredinol
• penderfyniad a wnaed gan y Gwasanaeth Datgelu a Gwahardd
• penderfyniad a wnaed gan y Comisiynydd Traffig (neu’r Uned Rheoleiddio Trafnidiaeth yng Ngogledd Iwerddon)

Mae yna hefyd achosion eraill y mae’r tribiwnlys yn delio â nhw.

Mae’r tribiwnlys yn annibynnol o’r llywodraeth a bydd yn gwrando ar ddwy ochr y ddadl cyn gwneud penderfyniad.

Cael help gyda’ch apêl

Gallwch ddarllen mwy am y broses apêl.

Mae’n bosibl y gallwch hefyd gael cyngor cyfreithiol am ddim gan neu help gan os ydych yn yr Alban.

Cysylltu â’r tribiwnlys

Cymru a Lloegr

Yr Alban

Gogledd Iwerddon

Efallai y bydd rhaid i chi ofyn am ganiatâd i apelio - mae’n dibynnu ar eich achos.

Os ydych chi’n apelio yn erbyn penderfyniad a wnaed gan dribiwnlys arall

Mae’n rhaid i chi gael caniatâd i apelio.

Yn gyntaf, gofynnwch i’r tribiwnlys a wnaeth y penderfyniad am ganiatâd i apelio. Fel arfer mae’n rhaid i chi wneud hyn o fewn 28 diwrnod o’r penderfyniad - siaradwch â’r tribiwnlys hwnnw i gael gwybod y dyddiad terfyn.

Unwaith y byddwch wedi cael caniatâd, lawrlwythwch a llenwch y ffurflen apêl berthnasol a’i hanfon i’r cyfeiriad ar y ffurflen o fewn 1 mis i chi gael caniatâd.

Os gwrthodir rhoi caniatâd i chi

Gallwch ofyn i’r Uwch Dribiwnlys (Siambr Apeliadau Gweinyddol) am ganiatâd yn uniongyrchol drwy ddefnyddio’r ffurflen ganiatâd berthnasol a’i hanfon i’r cyfeiriad ar y ffurflen o fewn 1 mis o gael eich gwrthod.

Os ydych chi’n apelio yn erbyn penderfyniad a wnaed gan sefydliad

Ni fydd angen i chi ofyn am ganiatâd i apelio (oni bai eich bod yn apelio yn erbyn penderfyniad a wnaed gan y Gwasanaeth Datgelu a Gwahardd).

Apeliwch gan ddefnyddio’r ffurflen apêl berthnasol a’i hanfon i’r cyfeiriad ar y ffurflen.

Apelio yn erbyn penderfyniad a wnaed gan y Gwasanaeth Datgelu a Gwahardd

Bydd angen i chi ofyn i’r Uwch Dribiwnlys (Siambr Apeliadau Gweinyddol) am ganiatâd cyn y gallwch apelio.

Defnyddiwch y ffurflen ganiatâd berthnasol a’i hanfon i’r cyfeiriad ar y ffurflen.

Bydd barnwr yn gwneud penderfyniad gan ddefnyddio:

• eich ffurflen apêl
• y dogfennau a ddarparwyd gennych
• y dogfennau a ddefnyddiwyd gan y tribiwnlys is neu’r sefydliad wnaeth benderfynu eich achos

Anfonir y penderfyniad atoch drwy’r post.

Mynychu gwrandawiad

Mewn achosion penodol efallai y gofynnir i chi fynychu gwrandawiad i gyflwyno eich achos. Gallwch hefyd ofyn am wrandawiad pan fyddwch yn gwneud cais - bydd y barnwr yn penderfynu a yw’n angenrheidiol.

Byddwch yn cael gwybod amser a dyddiad y gwrandawiad a ble bydd yn cael ei gynnal. Byddwch yn cael gwybod o leiaf 14 diwrnod ymlaen llaw fel arfer os bydd yna wrandawiad. Gall gwrandawiadau gael eu cynnal yn gynt na hyn o dan amgylchiadau eithriadol neu os bydd pob parti yn cytuno i gyfnod rhybudd byrrach.

Fe anfonir gwybodaeth atoch am sut i baratoi a pha ddogfennau y byddwch angen eu darparu.

Os ydych chi neu eich tyst neu gynrychiolydd y tu allan i’r DU ac yn dymuno rhoi tystiolaeth fideo neu sain byw, cysylltwch â’r tribiwnlys i ofyn am hyn. Dywedwch wrth y tribiwnlys ym mha wlad ydych chi, y tyst neu’r cynrychiolydd a pha fath o dystiolaeth a roddir. Rhaid i chi wneud hyn cyn gynted ag y bo modd.

Cael estyniad amser

Efallai y gallwch gael estyniad amser os byddwch angen mwy o amser i baratoi – gofynnwch i’r barnwr.

Mae’n rhaid bod gennych reswm da, er enghraifft rydych yn cael problemau dod o hyd i ddogfen neu rydych yn sâl.

Efallai y gallwch apelio i lys uwch os ydych chi’n meddwl bod y tribiwnlys wedi gwneud camgymeriad cyfreithiol.

Gofyn am ganiatâd

Mae’n rhaid i chi ysgrifennu at y tribiwnlys a gofyn am ganiatâd cyn i chi apelio.

Mae’n rhaid i chi wneud hyn o fewn mis i chi gael y penderfyniad (neu 3 mis ar gyfer achosion nawdd cymdeithasol, cynnal plant neu bensiynau rhyfel a’r lluoedd arfog).

Cymru a Lloegr

Yr Alban

Gogledd Iwerddon

Unwaith y cewch ganiatâd, dylech apelio i’r llys uwch perthnasol:

• Y Llys Apêl yng Nghymru a Lloegr

Mae’n rhaid i chi wneud hyn o fewn:

• 28 diwrnod o gael caniatâd (Cymru a Lloegr)
• 42 diwrnod o gael caniatâd (Yr Alban)
• 6 wythnos o gael caniatâd (Gogledd Iwerddon)

Os gwrthodir rhoi caniatâd i chi

Gallwch ofyn i’r llys uwch perthnasol am ganiatâd.

Yng Nghymru a Lloegr, mae’n rhaid i chi wneud hyn o fewn 28 diwrnod i’ch cais am ganiatâd gael ei wrthod.

Mae’r terfynau amser yn wahanol yn yr Alban a Gogledd Iwerddon - cysylltwch â’r swyddfa tribiwnlys perthnasol am fanylion.

Darllenwch y rheolau y mae’n rhaid i’r tribiwnlys eu dilyn a’i benderfyniadau ar achosion blaenorol.

Penderfyniadau blaenorol

Chwiliwch y i weld sut a pham y gwnaed penderfyniadau blaenorol.

Deddfwriaeth

Mae’n rhaid i’r tribiwnlys ddilyn y rheolau a’r broses a nodwyd yn Rheolau Trefniadaeth y Tribiwnlys (Uwch Dribiwnlys) 2008.