°Ç¸ç³Ô¹Ï

Sut mae gorsafoedd petrol yn cael eu prisio 

Mae Swyddfa Brisio fel arfer yn defnyddio’r dull rhent cymharol i brisio gorsafoedd petrol, sef ‘petrol filling stations’ (PFS). Mae’r dull hwn a’r ffordd o brisio PFS wedi’i gytuno gyda chynrychiolwyr y diwydiant gan gynnwys Cymdeithas Manwerthwyr Petrol a Diwydiant Tanwyddau y DU. Dysgwch fwy am y dull rhentu cymharol.

Mae’r Swyddfa Brisio hefyd yn ystyried masnach gynaliadwy teg, sef ‘fair maintainable trade’ (FMT), i brisio PFS. Dyma’r lefel flynyddol o fasnach y mae disgwyl i PFS eu cyflawni os maen nhw’n cael eu rhedeg mewn ffordd resymol o effeithlon. Gall masnach berthnasol gynnwys:

• llif trwodd y blaengwrt a’r litrau a ddosbarthwyd
• gwerthiant y siop heb gynnwys TAW
• gwerthiant golchi ceir heb gynnwys TAW
• tanwydd wedi’i storio
• ²µ·É±ð°ù³Ù³ó¾±²¹²Ô³ÙÌý²âÌý±ô´Ç³Ù±ð°ù¾±

³Ò·É±ð°ù³Ù³ó´Ç±ð»å»åÌý²¹°ù»å°ù±ð³Ù³ó´Ç±ôÌý2026Ìý

Mae gwerth ardrethol yn asesiad o’r hyn y byddai’n ei gostio i rentu eiddo am flwyddyn, ar ddyddiad penodol a elwir yn Ddyddiad Prisio Rhagflaenol, sef ‘Antecedent Valuation Date’ (AVD).Ìý

Daeth yr ailbrisiad diweddaraf i rym yng Nghymru a Lloegr ar 1 Ebrill 2026. Fe gafodd ei seilio ar y AVD ar 1 Ebrill 2024.

Daeth yr ailbrisiad blaenorol i rym yng Nghymru a Lloegr ar 1 Ebrill 2023. Fe gafodd ei seilio ar y AVD ar 1 Ebrill 2021.

Ar yr AVD 1 Ebrill 2021, cafodd gorsafoedd petrol eu heffeithio gan bandemig COVID-19. Roedd hyn yn golygu bod y rhan fwyaf o orsafoedd petrol wedi cael gwerthoedd ardrethol is yn ailbrisiad 2023 nag y byddent wedi’u derbyn fel arall. Mae unrhyw gynnydd mewn gwerthoedd ardrethol yn ailbrisiad 2026 yn adlewyrchu newidiadau ym masnach gorsafoedd petrol ers 2021, ynghŷd â dychwelyd cyffredinol i normalrwydd yn y farchnad. Mae’r Swyddfa Brisio wedi cytuno ar gynllun prisio ar gyfer ailbrisiad 2026 gyda’r diwydiant PFS i adlewyrchu materion o’r fath. 

Nid eich gwerth ardrethol yw’r swm y mae’n rhaid i chi ei dalu. Mae cynghorau lleol yn defnyddio gwerthoedd ardrethol i gyfrifo biliau ardrethi busnes.