°Ç¸ç³Ô¹Ï

Os cewch lythyr cyfrifiad treth (a elwir hefyd yn P800) sy’n dweud eich bod wedi talu rhy ychydig o dreth incwm, naill ai:

• bydd Cyllid a Thollau EF (CThEF) yn ei gasglu’n awtomatig drwy newid eich cod treth o ddechrau’r flwyddyn dreth ganlynol (6 Ebrill)
• gallwch ei dalu cyn dechrau’r flwyddyn dreth ganlynol

Dysgwch ragor am eich cyfrifiad treth, a beth i’w wneud os ydych yn meddwl ei fod yn anghywir.

Sut i dalu

Os ydych am dalu’r hyn sydd arnoch cyn dechrau’r flwyddyn dreth ganlynol, gallwch wneud y canlynol:

• talu ar-lein
• talu drwy drosglwyddiad banc
• talu â siec

Gallwch dalu ar-lein drwy’r dulliau canlynol:

• cymeradwyo taliad gan ddefnyddio’ch cyfrif banc ar-lein
• cerdyn debyd neu gerdyn credyd corfforaethol

Ni allwch dalu â cherdyn credyd personol.

Bydd CThEF yn derbyn eich taliad ar y dyddiad y byddwch yn ei wneud (hyd yn oed ar wyliau banc ac ar benwythnosau) – nid y dyddiad y mae’n cyrraedd cyfrif CThEF.

Talu drwy ddefnyddio gwasanaeth ar-lein CThEF

Bydd angen i chi fewngofnodi er mwyn defnyddio’r gwasanaeth hwn. Os nad oes gennych fanylion mewngofnodi eisoes, byddwch yn gallu eu creu.

Byddwch yn cael gwybod wrth fewngofnodi os oes angen i chi brofi eich hunaniaeth. Mae hyn er mwyn cadw’ch manylion yn ddiogel ac, fel arfer, bydd angen i chi ddefnyddio ID ffotograffig fel pasbort neu drwydded yrru i wneud hynny.

Ar ôl i chi fewngofnodi byddwch yn gallu gweld faint sydd arnoch, gwirio’ch cyfrifiad a thalu.

Ar ôl i chi dalu

Os ydych yn talu drwy’ch cyfrif banc ar-lein, gall gymryd hyd at 2 awr i ymddangos yn eich cyfrif banc.

Gallwch wneud trosglwyddiad banc gan ddefnyddio Taliadau Cyflymach, CHAPS neu Bacs:

• drwy’ch cyfrif bancio ar-lein
• drwy ffonio’ch banc

Pryd fydd eich taliad yn cyrraedd CThEF

Fel arfer, bydd taliadau’n cyrraedd Cyllid a Thollau EF (CThEF):

• ar yr un diwrnod neu’r diwrnod nesaf ar gyfer Taliadau Cyflymach
• yr un diwrnod gwaith os ydych yn talu o fewn amseroedd prosesu’ch banc ar gyfer taliadau CHAPS
• o fewn 3 diwrnod gwaith ar gyfer taliadau Bacs

Gwiriwch derfynau trosglwyddo ac amserau prosesu’ch banc cyn i chi wneud taliad.

Sut i dalu drwy drosglwyddiad banc

Wrth dalu, bydd angen i chi ddefnyddio cyfeirnod talu, sy’n 17 o gymeriadau. Bydd angen eich llythyr P800 arnoch i greu eich cyfeirnod.

Os ydych wedi cael mwy nag un llythyr P800, defnyddiwch y llythyr mwyaf diweddar. Dim ond un taliad sydd angen i chi ei wneud, hyd yn oed os yw’n cwmpasu mwy nag un flwyddyn dreth.

Creu eich cyfeirnod taliad

Crëwch eich cyfeirnod drwy roi’r canlynol mewn trefn:

• eich rhif Yswiriant Gwladol llawn
• y cymeriadau: P800
• blwyddyn gyntaf y flwyddyn dreth a ddangosir ar eich llythyr P800

Peidiwch â gadael unrhyw fylchau yn eich cyfeirnod.

Enghraifft

Os ydych yn talu o gyfrif banc yn y DU

Talwch i mewn i’r cyfrif hwn:

• cod didoli - 08 32 10
• rhif y cyfrif - 12001020
• enw’r cyfrif - CThEF Shipley

Os ydych yn talu o gyfrif tramor

Gallwch wneud trosglwyddiad o’ch cyfrif banc tramor gan CHAPS, gan ddefnyddio’r manylion banc canlynol ar gyfer CThEF:

• Cod Adnabod y Busnes (BIC) - BARCGB22
• rhif y cyfrif (IBAN) - GB03 BARC 2011 4783 9776 92
• enw’r cyfrif - CThEF Shipley

Dylech wneud pob taliad dramor mewn punnoedd sterling (GBP). Mae’n bosibl y bydd eich banc yn codi tâl arnoch os byddwch yn defnyddio unrhyw arian cyfred arall.

Gallwch dalu â siec drwy’r post.

Bydd angen i chi ysgrifennu cyfeirnod taliad 17 nod ar gefn y siec. Bydd angen eich llythyr P800 arnoch i greu eich cyfeirnod.

Os ydych wedi cael mwy nag un llythyr P800, defnyddiwch y llythyr mwyaf diweddar. Dim ond un taliad sydd angen i chi ei wneud, hyd yn oed os yw’n cwmpasu mwy nag un flwyddyn dreth.

Creu eich cyfeirnod taliad

Crëwch eich cyfeirnod drwy roi’r canlynol mewn trefn:

• eich rhif Yswiriant Gwladol llawn
• y cymeriadau: P800
• blwyddyn gyntaf y flwyddyn dreth a ddangosir ar eich llythyr P800

Peidiwch â gadael unrhyw fylchau yn eich cyfeirnod.

Enghraifft

Ble i anfon eich siec

Gwnewch eich siec yn daladwy i ‘Cyllid a Thollau EF yn unig’ a’i hanfon i:

Gallwch gynnwys llythyr ynghyd â’ch taliad er mwyn gofyn i CThEF am dderbynneb.